--
so i'm about to graduate na! (tama ba grammar ko? haha) at para mapirmahan ang clearance namin sa Filipino pinagawa kami ng isang monologo. Pinabunot kami ng i-poportray and guess what? bagay na bagay sakin ang nabunot ko... SUWAIL NA ANAK! hahaha! nakakarelate ako! kaya sobrang madaling gawin. aba! 93 grade ko dito kaya wag ii-small-in ha.. hehehe... so ito po yung gawa ko
Suwail na Anak
(kakatok si nanay)
Ha? Anong kailangan nyo? Tantanan nyo ako! Utang na loob umalis na kayo! Ha? Papasok? Anung papasok sa eskuwela? Tatlong taon na’kong hindi napasok . O? anong kagitla-gitla? Sinabi ko na sa inyo ‘di ba? Ay, oo nga naman! Paano nyo malalaman? Wala naman kayong pakialam. Sigurado ako nung panahong sinabi ko iyon sa inyo hindi na kayo nakinig kasi nasa trabaho kayo. Nagpapayaman.
Hay naku! Eto nanaman po tayo. Oo! Alam ko na ang sasabihin nyo, “ginagawa namin ito para sa kinabukasan mo, nagtatrabaho kami dahil may obligasyon kami sa’yo na pag-aralin ka”. Aba naman, “Inay” baka nakakalimutan mong may obligasyon ka ding palakihin ako ng maayos . Ni minsan hindi man lang kita nakitang lumapit sa’kin at sabihing “anak, kamusta ka na?”. Pinalagpas ko kasi naisip ko, siguro kailangang ako ang lumapit sa kanya, pero anung napala ko? Wala! Isang “anak sandali lang may trabaho si nanay”.
Sa mga barkada ko na nga lang ako nagiging masaya, kumokontra ka pa. Gusto mo pa silang ilayo sa’kin. Anu ba talagang problema mo? Bakit ayaw mo pa akong pakawalan e hindi mo naman ako kayang ingatan? Bakit ba hindi mo na lang ako hayaan magpakasaya sa buhay ko? Epal ka eh!
Pagod na’ko! Pagod na’ko sa kakaasang magkakaron kayo pakialam sa’kin. Ngayon ako na ang nawalan ng pakialam. Alam nyo? Ang gusto ko lang naman ay isang “anak, mahal ka namin ng tatay mo” o kaya “anak, ingat ka ha”. Pero wala! Ni minsan hindi yun lumabas sa mga bibig nyo. Kaya wag kayong magalit sa’kin kung lumaki akong suwail dahil hindi ako ang nagkulang. Kayo!
--
ayan! hehe sana nagustuhan nyo... uhm.. so i-poportray namin yan tomorrow. and great news! hindi ko pa sya memorize -_- . Goodluck na lamang sa'kin at sa lahat ng 4-science ng CLDDMNHS
