Taong 2095 noon at ibang iba na ang paaralang Colonel Lauro D.Dizon Memorial National High School o ang Dizon High. Ito na ang pinakamaganda at pinakakilalang paaralan sa buong Pilipinas Mga silid-aralan ang siyang lumalapit sa mga estudyante . Mga pisara na ginagamitan nga remote upang lumabas ang mga aralin. Halos lahat ng mga estudyante doon ay sobrang matatalino at walang hindi nalalaman. Dahil sa galing at ganda ng mga pasilidad sa eskuwelahang ito lahat ay gustong makapag-aral dito. Ngunit iilan lamang ang mga tao na nakakapasok dito. Madalas, puro mga robot ang mga estudyante nito.
Dito magmumula ang kwento ni Angela, ang natatanging tao na nakapasok sa ikatlong taon ng paaralan. Dahil sa siya nga ay nag-iisa, wala siyang kaibigan, at madalas siyang kinukutya ng kanyang mga kaklase dahil hindi ito kasing talinong mga robot na kasama niya. Ngunit hindi ni minsan nalaman ito ng kanyang mga magulang. Kung umiiyak ito sa kanyang kwarto, ay inilalayo niya ang kanyang kwarto sa kwarto ng kanyang mga magulang dahil sa panahong iyon maari nag ilipat ang mga kwarto kung saan mo gustong parte ng bahay. Inilalayo niya upang hindi siya marinig tuwing umiiyak siya sa hirap ng kanyang kalagayan sa kanyang eskuwelahan.
Dahil dito, naisipan niyang gumawa ng isang robot na magiging kaibigan niya sa kanyang esuwelahan. Noong araw ding iyon, dali-dali siyang pumunta sa paaralan gamit ang kanyang transporter. Noong una, hindi siya makapasok dahil protektado ang buong paaralan ng shield na maari niyang ikamatay kapag biglaan siyang pumasok. Inayos niya gamit ng kanyang pocket computer ang security ng kanyang paaralan. Isang iglap at nabuksan na niya ang kanyang paaralan.Dali-dali siyang nagpunta laboratoryo ng paaralan.
Sa kanyang pagpasok, ginawa niya agad ang gusto niyang robot. Maghapon niyang ginawa ang robot magiging kaibigan niya. At pagkatapos ng 19 na oras, nagawa na niya ang kanyang kaibigan. Ngunit dahil robot nga ito at natatakot siyang iwanan siya nito kapag nalaman ng robot na sila ay magkaiba, ay nagpasya siyang wag na lamang sabihin sa robot na si “Jamie” ang totoo. At para hindi niya mahalata na siya ay isang robot, gumawa si Angela ng paraan para magkaroon si Jamie ng mga emosyon. Gumawa rin siya ng paraan upang hindi malaman ng mga kaklase niyang robot na katulad nila si Jamie.
Naging masaya na si Angela simula noon. Lagi na siyang may kasama at hindi na siya pinagkakatuwaan ng mga robot niyang kaklase dahil akala nila ay dalawa na silang tao sa silid-aralan. Ngunit dahil robot nga si Jamie ay hindi maitatago ang kanyang talino. Nakakasabay siya sa mga ginagawa ng mga robot na katulad niya ngunit hindi niya iyon napapansin dahil akala niya ay natural lamang iyon. At unti-unti ngang nasapawan ng galling niya si Angela.
Naging malungkot nanaman si Angela dahil muli na naman siyang kinukutya ng kanyang mga kaklaseng robot dahil kinukumpara nila it okay Jamie. Nag-away sila ni Jamie. DAhil sa pag-aaway na iyon, nasabi ni Angela na hindi tao si Jamie, na siya ay isang robot. Nagalit si Jamie dahil hindi agad sinabi ni Angela ang totoo. Nagpaliwanag si Angela. Sinabi niya ang tunay na dahilan kung bakit ayaw niya itong sabihin kay Jamie. Ngunit hindi siya pinansin ni Jamie. Nilayuan siya nito at nakipagkaibigan sa mga kaklase niyang robot.
Simula noon, tuwing may klase sila ay ipinapahiya ni Jamie si Angela sa klase. Hindi na lamang kumikibo si Angela dahil alam niya na may dahilan si Jamie upang gawin ito. Ngunit umabot na sa sukdulan si Jamie. Kasama ng kanyang mga kaibigang robot din, ipinahiya nila si Angela sa harap ng mga estudyante sa buong paaralan. Sobrang nasaktan si Angela at nang lumaon ay galit na ang kanyang naramdaman. Gumawa siya ng paraan upang makaganti kay Jamie.
Naalala niyang maari nga pala niyang kontrolin si Jamie kung sakali mang mangyari ang nangyari na. Dali-dali niyang kinuha sa kanyang drawer ang isang remote. Pinaglaruan niya ang remote at ginawa niya lahat ng ninais niyang gawin. Tuwang-tuwa siay sa ginawang paglalaro gamit ang remote control a iyon.
Samantala, si Jamie na kasama ang kanyang mga bagong kaibigan ay nagpapakasaya. Habang siya ay umiinom ng isang drinking solution na para lamang sa mga robot ay bigla na lamang siyang tumayo at napasayaw ng kung anu-ano. Pagkatapos nagsalita siya ng iba’t ibang salita na hindi naman niya gustong sabihin. Nasabi niya ang mga bagay na makakapagpahiya sa kanya. Pinagtawanan siya ng kanyang mag kaibigan at tinukso. Sa sobrang hiya niya, umalis siya gamit ang kanyang transporter at pumunta siya sa malayong lugar.
Dumating ang araw ng pagpasok nila sa eskuwelahan. Katulad ng dati, ito na naman ang araw na hindi hinihintay ni Angela. Nang dumating si Angela, napansin niyang nawawala si Jamie. Gusto niyang tanungin ang mga kaibigan ni Jamie , ngunit natakot siya. Naalala niya nag kanyang ginawa sa dati niyang kaibigan. Dali-dali siyang tumakbo at kinuha ang kanyang transporter. Hinanap niya si Jamie. Kung saan-saan siya nakarating ngunit hindi niya ito makita. Malapit na siyang mawalan ng pag-asa ngunit napagtanto niyang mayroon nga pala siyang tracking dev ice na nakakabit kay Jamie. Hinanap niya ito at BINGO! Nakita na niya si kung nasaan si Jamie. Pinuntahan ito ni Angela at humingi ng tawad. Sinabi niya na siya ang dahilan kung bakit siya nakagawa ng mga bagay na nakapagpahiya kay Jamie sa harap ng kanyang mga kaibigan. Noong una, nagalit si Jamie nang marinig niya ang mga sinabi ni Angela. Muntik na niya itong sampalin ngunit nakita niya kung gaano kataos-puso ang paghingi ni Angela ng tawad sa kanya. Pinatawad na ni Jamie si Angela. Nagyakapan sila ng mahigpit na mahigpit.
Bumalik na sila sa kanilang tirahan, naging matalik na magkaibigan na silang muli. Pumasok sila sa eskuwelahan ng sabay at nagulat ang mga kaibigan ni Jamie. Sinabi ni Jamie na kung gusto nilang maging kaibigan pa ang robot ay kailangan na maging mabait at ituring na kaibigan nila si Angela. Simula noon, ay wala na ngang nanloko o nangmaliit sa pagkatao ni Angela. At naging matalik na magkaibigan sila ni Jamie hanggang sa wakas.
Sadyang may mga pagkakaibigan talagang hindi nawawala. Maaring magkaroon ng mga pag-aaway ngunit hindi ito magiging hadlang kung sila nga ay tunay na nagmamahalan bilang magkaibigan. Hindi rin mahalaga kung magkaiba sila dahil sa huli hindi naman anyo o uri ang nagpapatibay sa isang pagkakaibigan ito ay ang pagmamahal nila sa isa’t isa.
No comments:
Post a Comment